Odisha Link
Bridging the Missing Links in Odisha

ମାଟ୍ରିକ୍ ନୋଡାଲ ସେଣ୍ଟରରେ ଅଗ୍ନିକାଣ୍ଡ

ନୀଳଗିରି: ବାଲେଶ୍ବର ଜିଲ୍ଲା ନୀଳଗିରି କେ.ସି. ହାଇସ୍କୁଲରେ ଅଗ୍ନିକାଣ୍ଡ ଘଟିଛି। ମାଟ୍ରିକ୍ ପରୀକ୍ଷା ପାଇଁ ଏହି ସ୍କୁଲରେ ନୋଡାଲ ସେଣ୍ଟର ଅର୍ଥାତ୍ ପ୍ରଶ୍ନପତ୍ର ରଖାଯାଇଥିବା ବେଳେ ଅଗ୍ନିକାଣ୍ଡ ଘଟିଛି। ବିଶେଷ କରି ପ୍ରଶ୍ନପତ୍ର ରଖାଯାଇଥିବା ଷ୍ଟ୍ରଙ୍ଗ ରୁମ୍ ଚାରିପାଖେ ନିଆଁ ଲାଗି ଯାଇଥିବାରୁ ପରୀକ୍ଷା ନେଇ ଆଶଙ୍କା ପ୍ରକାଶ ପାଇଥିଲା।
ମିଳିଥିବା ସୂଚନା ଅନୁସାରେ, କେ.ସି. ହାଇସ୍କୁଲରେ ମାଟ୍ରିକ ପରୀକ୍ଷା ପାଇଁ ୧୧ଟି ସ୍କୁଲର ପ୍ରଶ୍ନପତ୍ର ରଖାଯାଇଛି। ତେବେ ଷ୍ଟ୍ରଙ୍ଗ ରୁମ୍ ପାଖରେ ଥିବା ଏକ କୋଠରୀରେ ସର୍ଟ ସର୍କିଟ୍ କାରଣରୁ ଏହି ଅଗ୍ନିକାଣ୍ଡ ଘଟିଥିବା ବେଳେ କମ୍ପ୍ୟୁଟର ଓ ପ୍ରିଣ୍ଟର ସମ୍ପୂର୍ଣ୍ଣ ଜଳିଯାଇଛି। ଘଟଣାସ୍ଥଳରେ ଦମକଳବାହିନୀ ତୁରନ୍ତ ପହଞ୍ଚି ନିଆଁକୁ ଆୟତ୍ତ କରିଥିଲେ। ପରେ ପୋଲିସ ଉପସ୍ଥିତିରେ ପର୍ଯ୍ୟବେକ୍ଷକ ଓ ଉପରିସ୍ଥ ଅଧିକାରୀ ଷ୍ଟ୍ରଙ୍ଗ ରୁମ୍ ଖୋଲି ଯାଞ୍ଚ କରିଥିବା ବେଳେ କୌଣସି କ୍ଷୟକ୍ଷତି ହୋଇନଥିବା ସୂଚନା ଦେଇଛନ୍ତି।

Comments are closed.