ବାଲେଶ୍ୱର: ଧର୍ମିୟ ଭାବନା ଆଗରେ ତୁଚ୍ଛ ହୋଇଛି ଜନ୍ମଭୂମି, କର୍ମଭୂମି। ଜନ୍ମଭୂମି ଛାଡ଼ି ତେର ନଈ ସାତ ଦରିଆ ଡେଇଁ ଓଡ଼ିଶାରେ ପହଁଞ୍ଚିଥିଲେ ରୁଷ ଦମ୍ପତ୍ତି। ଓଡ଼ିଶାର ସଂସ୍କୃତି, ଧର୍ମସ୍ଥଳୀ ଟାଣି ଆଣିଲା ଓଡ଼ିଶାକୁ। ଓଡ଼ିଆ ସଂସ୍କୃତିକୁ ଭଲ ପାଇବା ସହ ଇସ୍କନ ଧର୍ମରେ ଦିକ୍ଷୀତ ହେଲେ। ସେଦିନଠାରୁ ସେମାନେ ଓଡ଼ିଶାରେ ରହି ଆସୁଛନ୍ତି। ହେଲେ ଲକଡାଉନ ଏବେ ବାଧକ ସାଜିଛି। ସେମାନଙ୍କ ଭିସା ଅକାମୀ ହୋଇଯାଇଛି। ଏହି କାରଣରୁ ସେମାନଙ୍କୁ ଓଡ଼ିଶାରେ ରହିବାକୁ ଅନୁମତି ମିଳୁନି। ଭିସା ଅନୁମୋଦନ ସହ ବାଲେଶ୍ବର ରେମୁଣା ନିକଟସ୍ଥ କ୍ଷୀରଚୋରାରେ ବସବାସ କରିବାକୁ ଅନୁମତି ମାଗିଛନ୍ତି। ଏମିତି ଏକ ଖବର ବାଲେଶ୍ୱରରୁ ଆସିଛି।
ରୁଷିଆର ଏହି ଦମ୍ପତ୍ତି ହେଉଛନ୍ତି ଭରୋନୋଭ ସର୍ଗି, ଅନ୍ଦ୍ରିଆନୋଭା ତଟିଆନ ଉଭୟ ପେସାରେ ଇଂଜିନିୟର। ଜଗନ୍ନାଥ ସଂସ୍କୃତି ବିଷୟରେ ଜାଣିବା ପରେ ସେମାନେ ଆକୃଷ୍ଟ ହୋଇଥିଲେ। ଆଉ ସେହି ଧର୍ମ ମଧ୍ୟ ଗ୍ରହଣ କରିଥିଲେ। ପରେ ସେମାନେ ପୁରୀ ଆସିଥିଲେ। ପୁରୀରେ କିଛିଦିନ ରହିବା ପରେ ଖୀରଚୋରା ବିଷୟରେ ଜାଣିଥିଲେ। ଜଗନ୍ନାଥ ସଂସ୍କୃତିରେ ରେମୁଣା କ୍ଷୀରଚୋରା ବିଷୟରେ ଜାଣିବା ପରେ ଶେଷସମୟରେ ସେମାନେ ଏଠାରେ ରହି ଅବଶିଷ୍ଟ ଜୀବନ କଟାଇବାକୁ ଚାହିଁଥିଲେ। ପୂର୍ବରୁ ମଧ୍ୟ ସେମାନେଜ୫ ଥର ଏଠାକୁ ଆସିଥିଲେ।
ସୂଚନାଥାଉକି, ଫେବୃଆରୀ ମାସରେ ଶେଷ ଥର ପାଇଁ ଆସିଥିଲେ। ମାତ୍ର ଲକଡାଉନ ପାଇଁ ସେମାନଙ୍କ ଭିସା ଏବେ ଅକାମୀ ହୋଇଯାଇଛି। ଏହି କାରଣରୁ ସେମାନେ ନିଜ ଦେଶକୁ ବି ଫେରି ପାରୁନାହାନ୍ତି। ସେମାନେ ଏଠାରେ ରହିବାକୁ ବିଭିନ୍ନ ଅସୁବିଧାର ସମ୍ମୁଖୀନ ହେଉଛନ୍ତି। କୌଣସି ଡକ୍ୟୁମେଣ୍ଟ ନଥିବାରୁ କେହି ତାଙ୍କୁ ଭଡ଼ାରେ ରଖୁ ନାହାଁନ୍ତି। ଭିସାକୁ କାର୍ଯ୍ୟକ୍ଷମ ସହ ସ୍ୱଦେଶକୁ ଫେରିବା ଯାଏଁ ଏଠାରେ ରହିବାକୁ ଅନୁମତି ଦେବା ପାଇଁ ସେମାନେ ଜିଲ୍ଲାପାଳ ନିକଟରେ ନିବେଦନ କରିଛନ୍ତି ରୁଷିୟ ଦମ୍ପତ୍ତି।
Comments are closed.