କରୋନାରେ ପରମାଣୁ ବୈଜ୍ଞାନିକ ଶେଖର ବସୁଙ୍କ ମୃତ୍ୟୁ

କୋଲକାତା: ପରମାଣୁ ବୈଜ୍ଞାନିକ ପଦ୍ମଶ୍ରୀ ଡା.ଶେଖର ବସୁଙ୍କର ମୃତ୍ୟୁ ହୋଇଛି। ସେ କୋଭିଡ ପଜିଟିଭ ଚିହ୍ନଟ ହେବା ପରେ ତାଙ୍କୁ କୋଲକାତାର ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଥିଲା। ଚିକିତ୍ସିତ ହେଉଥିବା ଅବସ୍ଥାରେ ତାଙ୍କର ମୃତ୍ୟୁ ହୋଇଛି। ୬୮ରେ ସେଖର ବାସୁ ମୃତ୍ୟୁ ବରଣ କରିଛନ୍ତି।

ଦେଶର ଆଣବିକ ଶକ୍ତି ସମ୍ପର୍କିତ କାର୍ଯ୍ୟକ୍ରମରେ ଡା. ବସୁଙ୍କର ଯୋଗାନ ଉଲ୍ଲେଖନୀୟ। ସେ ଜଣେ ମେକାନିକାଲ ଇଞ୍ଜିନିୟରଥିଲେ। ଭାରତର ଆଣବିକ ଶକ୍ତି ସମ୍ପନ୍ନ ପ୍ରଥମ ବୁଡାଜାହାଜ ଆଇଏନଏସ ଅରିହନ୍ତ ଲାଗି ଜଟିଳ ରିଆକ୍ଟର ନିର୍ମାଣରେ ଡା.ଶେଖର ବସୁ ଗୁରୁତ୍ୱପୂର୍ଣ୍ଣ ଦାୟିତ୍ୱ ନିର୍ବାହ କରିଥିଲେ। ୨୦୧୪ ମସିହାରେ ଭାରତ ସରକାର ଡା.ବସୁଙ୍କୁ ପଦ୍ମଶ୍ରୀ ପୁରସ୍କାରରେ ସମ୍ବର୍ଦ୍ଧିତ କରିଥିଲେ। ତାଙ୍କ ପରଲୋକ ଖବରରେ ରାଷ୍ଟ୍ରପତି ରାମନାଥ କୋବିନ୍ଦ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସମେତ ମାନ୍ୟଗଣ୍ୟ ବ୍ୟକ୍ତି ଶୋକ ପ୍ରକଟ କରିଛନ୍ତି।

ରାଷ୍ଟ୍ରପତି ରାମନାଥ କୋବିନ୍ଦ ତାଙ୍କ ଟ୍ୱିଟ୍‌ ହ୍ୟାଣ୍ଡଲରେ ଡା.ବସୁଙ୍କ ପରଲୋକରେ ଦେଶର ଅପୁରଣୀୟ କ୍ଷତି ହେଲା ବୋଲି କହିଛନ୍ତି। ସେ ଦେଶର ଆଣବିକ ଶକ୍ତି ଆୟୋଗ ଅଧ୍ୟକ୍ଷ ଓ ଆଣବିକ ବିଜ୍ଞାନ ଅନୁସନ୍ଧାନର ମୁଖ୍ୟ ପଦବୀରେ ମଧ୍ୟ ଅବସ୍ଥାପିତ ରହି ସାରିଛନ୍ତି। ତାଙ୍କ ପରିବାର ବର୍ଗଙ୍କ ପ୍ରତି ରାଷ୍ଟ୍ରପତି ଗଭୀର ସମବେଦନା ଜଣାଇଛନ୍ତି। ସେହିପରି ପ୍ରଧାନମନ୍ତ୍ରୀ ମୋଦି ମଧ୍ୟ ଡା. ବସୁଙ୍କ ବିୟୋଗରେ ଶୋକ ପ୍ରକାଶ କରିଛନ୍ତି।

Demise of veteran scientist Padma Shri Dr Sekhar Basu is a huge loss to the nation. A former chairman of Atomic Energy Commission, he was a stalwart of nuclear science research & immensely contributed to nuclear powered submarine INS Arihant. Condolences to his family & friends.

— President of India (@rashtrapatibhvn) September 24, 2020

ପ୍ରଧାନମନ୍ତ୍ରୀ ତାଙ୍କ ଟ୍ୱିଟ୍‌ ହ୍ୟାଣ୍ଡଲରେ ଏକ ପୋଷ୍ଟ କରିଥିବା ବେଳେ ବୈଜ୍ଞାନିକ ଡା.ଶେଖର ବସୁଙ୍କ ପରଲୋକରେ ଦୁଃଖି ବୋଲି ଉଲ୍ଲେଖ କରିଛନ୍ତି। ଭାରତକୁ ଆଣବିକ ବିଜ୍ଞାନ ଓ ଇଞ୍ଜିନିୟରିଂରେ ଅଗ୍ରଣୀ ଦେଶ ଭାବେ ସ୍ଥାପିତ କରିବାରେ ଡା. ବସୁଙ୍କ ଯୋଗଦାନ ଉଲ୍ଲେଖନୀୟ ବୋଲି ପ୍ରଧାନମନ୍ତ୍ରୀ ତାଙ୍କ ଟ୍ୱିଟ୍‌ରେ କହିଛନ୍ତି। ମୋର ବିଚାର ଓ ପ୍ରାର୍ଥନା ତାଙ୍କ ପରିବାର ଓ ଜ୍ଞାତିକୁଟୁମ୍ବଙ୍କ ସହ ଥିବା ସେ ଉଲ୍ଲେଖ କରିଛନ୍ତି।

I join the atomic energy fraternity in grieving the passing away of Dr. Sekhar Basu, a renowned nuclear scientist who played a key role in establishing India as a lead country in nuclear science and engineering. Our thoughts and prayers are with his family and friends. Om Shanti!

— Narendra Modi (@narendramodi) September 24, 2020