ଭିଜିଲାନ୍ସ ଜାଲରେ କୋଟିପତି ସହକାରୀ ଯନ୍ତ୍ରୀ

ଭୁବନେଶ୍ୱର: ଭିଜିଲାନ୍ସ ଜାଲରେ କୋଟିପତି ସହକାରୀ ଯନ୍ତ୍ରୀ। ଭୁବନେଶ୍ୱର ଆର-ଆଣ୍ଡ- ବି ଡିଭିଜନ-୫ର ସହକାରୀ ଯନ୍ତ୍ରୀ ସାରଦା ପ୍ରସାଦ ଗୌଡଙ୍କ ବାସଭବନରେ ଭିଜିଲାନ୍ସ ଚଢ଼ାଉ କରିଛି। ସାରଦା ପ୍ରସାଦଙ୍କ ବାସଭବନ ସମେତ ୪ଟି ସ୍ଥାନରେ ଚଢ଼ାଉ କରିଥିଲା ଭିଜିଲାନ୍ସ । ଚଢ଼ାଉ ସମୟରେ ତାଙ୍କ ପାଖରୁ ୧ କୋଟି ୫୫ ଲକ୍ଷ ୪୮ ହଜାର ୫୧୭ ଟଙ୍କାର ସମ୍ପତି ଠାବ କରାଯାଇଛି।

ସାରଦାଙ୍କର ଭୁବନେଶ୍ୱରରେ ୪୭ ଲକ୍ଷ ୮୫ ହଜାର ୩୪୦ ଟଙ୍କାର ଏକ ତିନି ମହଲା ବିଶିଷ୍ଟ ଘର, ବ୍ରହ୍ମପୁରରେ ୩୬ ଲକ୍ଷ ୧୧ ହଜାର ଟଙ୍କା ମୂଲ୍ୟର ଏକ ଫ୍ଲାଟ୍, ଗଞ୍ଜାମର ବିଭିନ୍ନ ସ୍ଥାନରେ ୧୯ଟି ପ୍ଲଟ, ଗୋଟିଏ ୪ ଚକିଆ ଗାଡି , ୨ଟି ଦୁଇ ଚକିଆ ଗାଡି, ବ୍ୟାଙ୍କ ଓ ପୋଷ୍ଟଅଫିସରେ ୧୨ ଲକ୍ଷ ୮୫ ହଜାର ୫୭୧ ଟଙ୍କା, ଇନସୁରାନ୍ସରେ ୭ ଲକ୍ଷ ୨୮ ହଜାର ୯୮୦ ଟଙ୍କା, ୩ ଲକ୍ଷ ୧୬ ହଜାର ୮୪୦ ଟଙ୍କା ମୂଲ୍ୟର ସୁନା ଅଳଙ୍କାର, ନଗଦ ୫୪ ହଜାର ଟଙ୍କା ଓ ୧୫ ଲକ୍ଷ ୪୫ ହଜାର ଟଙ୍କାର ଘରକରଣା ସାମଗ୍ରୀକୁ ଠାବ କରିଛି ଭିଜିଲାନ୍ସ ।