ବାଲିପାଟଣା : କାର ଧକ୍କାରେ ବୃଦ୍ଧା ଗୁରୁତର ହୋଇଛନ୍ତି। ଏହି ଦୁର୍ଘଟଣାଟି ଭୁବନେଶ୍ୱର ଉପକଣ୍ଠ ସରଦେଇପୁର ବାଲିପାଟଣା ରାସ୍ତାର ମଧୁବନ ଛକଠାରେ ଘଟିଛି। ଦୁର୍ଘଟମା ଗ୍ରସ୍ତ ବୃଦ୍ଧା ଜଣଙ୍କ ହେଲେ ଗାରେଡିପାଞ୍ଚଣର ରାଧାକୃଷ୍ଣ ପରିଡା।
ଗୁରତର ଅବସ୍ଥାରେ ପ୍ରଥମେ ତାଙ୍କୁ ବାଲିପାଟଣା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା। ସ୍ୱାସ୍ଥ୍ୟ ଅବସ୍ଥାରେ ସୁଧାର ନ ଆସିବାରୁ ୧୦୮ ଆମ୍ବୁଲାନ୍ସ ଯୋଗେ ତାଙ୍କୁ କ୍ୟାପିଟାଲ ହସ୍ପିଟାଲ ପଠାଇ ଦିଆଯାଇଛି।କାର ଚାଳକ ମଧ୍ୟ ଆହତ ହୋଇ ମେଡିକାଲରେ ଭର୍ତ୍ତି ହୋଇଛନ୍ତି।
ସୂଚନାରୁ ପ୍ରକାଶ, ଆଜି ଦିନ ୧୧.୩୦ ସମୟରେ ବାଲିପାଟଣା ଛକ ଅଭିମୁଖେ ଏକ ନାଲି ରଙ୍ଗର ଗାଡି ନମ୍ବର ଓଡି ୦୨ ଏଏକ୍ସ ୨୦୫୬ ଯାଉଥିଲା। ରାଧାକୃଷ୍ଣ ଆଖଣ୍ଡଳମଣି ମନ୍ଦିରରୁ ପୂଜା ସାରି ଘରକୁ ଫେରୁଥିବା ବେଳେ ହଠାତ କାର ତାଙ୍କୁ ଧକ୍କା ଦେବାରୁ ସେ ରାସ୍ତାରେ ଛିଟିକି ପଡିଥିଲେ।
ଦୁର୍ଘଟଣା ପରେ ତାଙ୍କ ମୁଣ୍ଡରେ ଆଘାତ ଲାଗିଛି। ବୃଦ୍ଧଙ୍କୁ ଧକ୍କା ଦେବା ପରେ ଗାଡ଼ି ରାସ୍ତା କଡ଼ ଇଲକ୍ଟ୍ରି ଖୁଣ୍ଟକୁ ଧକ୍କା ଦେଇ ରାସ୍ତା କଡ଼କୁ ପଶିଯାଇଥିଲା। ଖୁଣ୍ଟ ଭାଙ୍ଗିବା ସମୟରେ ତାରରେ ବିଦ୍ୟୁତ ସଂଯୋଗ ଥିବାରୁ ପ୍ରଥମେ ଲାଇନ କଟା ଯାଇଥିଲା।
ଏହା ପରେ ଖୁଣ୍ଟକୁ ରାସ୍ତାରୁ ହଟା ଯାଇଛି। ଗାଡ଼ି ଚାଳକଙ୍କ ନାମରେ ଥାନାରେ ଅଭିଯୋଗ ଦିଆଯିବ ବୋଲି ବିଦ୍ୟୁତ ବିଭାଗ ଯନ୍ତ୍ରୀ ମଦନ ମୋହନ ଜେନା ସୂଚନା ଦେଇଛନ୍ତି। ବାଲିପାଟଣା ପୁଲିସ ଘଟଣାର ତଦନ୍ତ ଆରମ୍ଭ କରିଛି।
Comments are closed.