କୋଭିଡ଼୍ ସେଲରୁ ଫେରିଯିବେ ଡାକ୍ତର ଓ ଏଏସଓ
![](https://www.odishalink.com/wp-content/uploads/2021/01/bmc-noticed-hanging-food-safety.jpg)
ଭୁବନେଶ୍ବର: ବିଏମସି କୋଭିଡ଼୍ ସେଲରୁ ଫେରିଯିବେ ଅଣ ବିଏମସି ଅଧିକାରୀ ଓ କର୍ମଚାରୀ। ଆଜି କମିଶନର ପ୍ରେମଚନ୍ଦ୍ର ଚୌଧୁରୀଙ୍କ ନିର୍ଦ୍ଦେଶ କ୍ରମେ କୋଭିଡ଼ର ସ୍ଥିତିକୁ ଅନୁଧ୍ୟାନ କରି ଏହି ନିଷ୍ପତ୍ତି ନେଇଛନ୍ତି। ଭିନ୍ନ ଭିନ୍ନ ସମୟରେ ଆବଶ୍ୟକ ଅନୁସାରେ ରାଜ୍ୟ ସରକାର ବିଏମସି କୋଭିଡ଼୍ ସେଲକୁ ଆସିଥିଲେ ଅଧିକାରୀ ଓ କର୍ମଚାରୀ।
ଏମାନଙ୍କ ମଧ୍ୟରେ ମୁଖ୍ୟତଃ ଡ଼ାକ୍ତର ଏବଂ ଆସିଷ୍ଟାଣ୍ଟସେକ୍ସନ୍ ଅଫିସରଙ୍କ ସଂଖ୍ୟା ଅଧିକ। ବର୍ତମାନ ସ୍ଥିତିରେ ଶେଷ ପର୍ଯ୍ୟାୟରେ ଥିବା ୧୦ ଜଣ ଡ଼ାକ୍ତର ଏବଂ ୧୫ ଜଣ ଏଏସଓ ମାନଙ୍କ ମଧ୍ୟରୁ ସମସ୍ତ ଏଏସଓଙ୍କୁ ରିଲିଭ୍ କରାଯାଇଥିବା ବେଳେ ଆଉ ୬ ଜଣ ଡ଼ାକ୍ତରଙ୍କୁ ଜାନୁୟାରୀ-୨୧ ଶେଷ ସୁଧା ରିଲିଭ୍ କରାଯିବ ଏବଂ କେବଳ ୪ ଜଣ ଡ଼ାକ୍ତର ଜରୁରୀ କଂଟାକ୍ଟ ଟ୍ରେସିଂ ଇତ୍ୟାଦି ପାଇଁ ନିୟୋଜିତ ରହିବେ ବୋଲି କହିଛନ୍ତି ବିଏମସି କୋଭିଡ଼୍ ସେଲ୍ ର ମୁଖ୍ୟ ତଥା ଡ଼େପୁଟି କମିଶନର ହେଲଥ ଏବଂ ସାନିଟେସନ୍ ଶୁଭେନ୍ଦୁ କୁମାର ସାହୁ ।
ପ୍ରକାଶ ଯେ, ଭୁବନେଶ୍ୱର ମହାନଗର ନିଗମାଞ୍ଚଳରେ କୋଭିଡ଼୍ ସଂକ୍ରମଣ ସ୍ଥିତି କ୍ରମଶଃ କମିଆସିଛି ଏବଂ ସଂକ୍ରମଣ ଏକକ ସଂଖ୍ୟାରେ ସୀମିତ ରହିଅଛି। ୨୨ ଜାନୁୟାରୀରେ ୫ ଜଣ, ୨୩ ଜାନୁୟାରୀରେ ୫ ଜଣ, ୨୪ ଜାନୁୟାରୀରୁ ୨୭ ଜାନୁୟାରୀ ପର୍ଯ୍ୟନ୍ତ ୪ ଜଣ ଲେଖାଏଁ ଏବଂ ୨୮ ଜାନୁୟାରୀରେ ୮ ଜଣ ରହିଥିବାର ଜଣାପଡ଼ିଛି।
Comments are closed.