ପାଖେଇ ଆସୁଛି ନିର୍ବାଚନ: ୪ ରାଜ୍ୟ ପାଇଁ ପ୍ରଭାରୀ, ସହପ୍ରଭାରୀ ନିଯୁକ୍ତ କଲା ବିଜେପି

ଓଏଲ୍ ବ୍ୟୁରୋ: ପାଖେଇ ଆସୁଛି ୨୦୨୪ ନିର୍ବାଚନ। ଆଗାମୀ ନିର୍ବାଚନ ପାଇଁ ସ୍ବତନ୍ତ୍ର ରଣନୀତି ଆପଣାଇବାରେ ଲାଗିଛନ୍ତି ସମସ୍ତ ରାଜନୈତିକ ଦଳ। ନିର୍ବାଚନକୁ ନଜରରେ ରଖି ୪ ରାଜ୍ୟ ପାଇଁ ନିର୍ବାଚନ ପ୍ରଭାରୀ, ସହପ୍ରଭାରୀ ନିଯୁକ୍ତ କଲା ବିଜେପି। ତେଲେଙ୍ଗାନା ନିର୍ବାଚନ ପ୍ରଭାରୀ ଦାୟିତ୍ୱ ଭାର ପ୍ରକାଶ ଜାଭେଦକରଙ୍କୁ ମିଳିଥିବାବେଳେ ଭୂପେନ୍ଦ୍ର ଯାଦବଙ୍କୁ ମଧ୍ୟପ୍ରଦେଶ ଦାଇତ୍ୱ ମିଳିଛି।

ମଧ୍ୟପ୍ରଦେଶ ସହପ୍ରଭାରୀ ଦାଇତ୍ୱ ରେଳ ମନ୍ତ୍ରୀ ଅଶ୍ୱିନୀ ବୈଷ୍ଣବଙ୍କୁ ମିଳିଥିବାବେଳେ ପ୍ରହଲ୍ଲାଦ ଯୋଶୀଙ୍କୁ ରାଜସ୍ଥାନର ନିର୍ବାଚନ ପ୍ରଭାରୀ ଦାଇତ୍ୱ ମିଳିଛି। ସେହିଭଳି ନୀତିନ ପଟେଲ, କୁଲଦୀପ ବିଷ୍ଣୋଇଙ୍କୁ ରାଜସ୍ଥାନ ନିର୍ବାଚନ ସହପ୍ରଭାରୀ ଦାୟିତ୍ୱ ମିଳିଲା। ଡ. ମନସୁଖ ମାଣ୍ଡଭୀୟଙ୍କୁ ଛତିଶଗଡ଼ ନିର୍ବାଚନ ସହପ୍ରଭାରୀ ଦାଇତ୍ୱ ମିଳିଥିବାବେଳେ ଓମ୍ ପ୍ରକାଶ ମାଥୁରଙ୍କୁ ଛତିଶଗଡ଼ ନିର୍ବାଚନ ପ୍ରଭାରୀ ଦାଇତ୍ୱ ଦେଇଛି ବିଜେପି।