ଓଏଲ୍ ବ୍ୟୁରୋ: ଆଜିକାଲି ଲୁଟେରା ମାନେ ବିଭିନ୍ନ ଉପାୟରେ ଠକେଇ କରିବାରେ ଲାଗିଛନ୍ତି। କେତେବେଳେ ଅନଲାଇନ ଲୁଟିଲେଣି ତ କେତେବେଳେ ରାସ୍ତା କଡ଼ରୁ, ଏଭଳି ଘଟଣା ଅନେକ ସମୟରେ ସାମ୍ନାକୁ ଆସୁଛି। ଏଥିରେ ଶିକାର ହେଉଥିବା ଅନେକ ବ୍ୟକ୍ତି ଥାନାରେ ମଧ୍ୟ ଏତଲା ଦେଉଛନ୍ତି। ତେବେ ଏଥର ତମାଣ୍ଡୋ ଥାନା କଳିଙ୍ଗନଗର କେ-୯ରେ ଲୁଟ ହୋଇଥିବା ଅଭିଯୋଗ ହୋଇଛି।
ସୂଚନା ଅନୁସାରେ, ଗତକାଲି ରାତିରେ ବାହାରେ ଚାଲିଥିଲା ଉତ୍ସବର ମାହୋଲ। ଦୀପାବଳିରେ ବାହାରେ ବାଣ ଫୁଟାଉଥିଲେ ଘର ଲୋକ ଆଉ ଘରେ ପଶି କଳାକନା ବୁଲାଇଦେଲା ଚୋର। ବାଣ ଫୁଟାଉଥିବା ବେଳେ ଘରେ ପଶି ଲୁଟି ନେଲେ ଲୁଟେରା। ତମାଣ୍ଡୋ ଥାନା କଳିଙ୍ଗନଗର କେ-୯ରେ ଜଣଙ୍କ ଘରୁ ଲୁଟ୍ ହୋଇଥିବା ଅଭିଯୋଗ ହୋଇଛି।